王浩信傷病交煎激鬥頂硬上

無綫藝人郭晉安、王浩信、黃德斌、萬綺雯等早前出發到越南為無綫新劇《致命復活》拍攝外景，今次拍攝為期約三個星期，拍攝地點包括胡志明市內的唐人街、總統府、教堂、機場等地方，當中有很多大場面，包括飛車、快艇追逐、森林激鬥等戲份。

黃德斌打得甘

德斌昨日坦言抵埗後一直沒有停過拍動作戲，拍攝過程很「甘」，劇中飾演反派的他，日前更與郭晉安在唐人街拍攝大打出手的場面：「嚟咁耐就拍足咁多日動作戲，辛苦就係辛苦啲，不過都算順利。」

大隻佬黃德斌都話打得好甘！	黃德斌、郭晉安在胡志明市唐人街打到七彩。	最開心是齊齊開餐。

而之前拍劇受傷的浩信，身體有些部位仍未完全康復，拍劇烈動作戲當然相當辛苦，他昨日受訪時表示，剛由胡志明市坐了四小時車程到達另一個拍攝地點：「頭幾日喺胡志明市比較舒服，唔係太急，我哋之前喺一個生態自然環境保護區拍攝，就好似一個森林咁，如果喺森林以外地方會有好多野生動物，嗰度會危險啲，我哋唔會去。」

手指痛就住打

此劇動作戲多，之前拍劇受傷的他說：「其實之前右手(界)開咗肉嘅兩隻手指都用唔到，仲好痛，冇辦法，始終打鬥時都要就住，否則每次打完都腫番，一路持續都唔係辦法，惟有以自己現時身體狀況去應付。而且之前撞親個頭、休息唔夠，免疫能力低， 嚟越南前都持續不停發燒，都驚有乜問題，希望快啲拍完返香港檢查吓！」

據知現時越南是旱季，天氣相當炎熱，監製林志華亦表示越南那邊蚊患嚴重，幸而暫時未有人身體不適，都會叮囑演員們注意及小心。

文：影視組