kay本地殭與嘉穎宿世驚情

由視帝鄭嘉穎、樂壇女神謝安琪（Kay）與陳凱琳（Grace）等主演的新劇《殭》，將於下周一（11日）晚上九時半首播，新劇以對立的不死人、殭屍及人類為題材，身為不死人的嘉穎，邂逅被封存了記憶與能力、與常人無異的Kay，糾纏於宿世緣分。而受嘉穎吸引的Grace，不惜主動追求他，更因為一個愛情傳說而付上沉重代價，發展出一段三角戀。

張繼聰居中牽線

新劇卡士強大，並遠赴荷蘭取景，監製陳維冠笑言鄭嘉穎的演技毋庸置疑，其滄桑感更是角色的不二人選：「個角色經歷咗幾百年，好需要一張有經歷嘅面孔，而個角色有某部分都係佢本人，有啲寸嘴。」Kay的演出令不少粉絲期待，原來她加入劇組乃丈夫張繼聰牽線，監製說：「Kay出道十年，佢視為演藝生活嘅一項紀念，好重視今次演出，搵咗好友、今年金像獎最佳男配角白只教戲，第一次拍劇係有少少緊張。Kay自爆有強迫症，我哋都將呢樣嘢加入個角色度。」

平日愛說話的陳凱琳，在劇中卻有口難言。	陳瀅女神變殭屍，向陳凱琳狠施毒手。	新劇遠赴荷蘭取景，靚人靚景相得益彰。

監製收媒人利是

而Grace在片中飾演Kay的妹妹，因受殭屍驚嚇而患上失語症，監製笑說：「佢係有自信、好精靈嘅演員，平時講嘢好快，呢個安排對佢嚟講係一項挑戰。」Grace與男友嘉穎因《殭》而撻着成情侶，戲中二人亦有不少感情戲，問到與二人合作的點滴，Grace含蓄表示是一個向嘉穎學習的機會，而被指為二人牽紅線的監製則笑說：「如果佢哋結婚應該封番利是畀我！」

文：影視組