洪永城遊古巴變搶手貨

藝人洪永城昨日宣傳無綫新節目《在那遙遠的地方——古巴》時，分享在為期十四日的古巴之旅期間，到訪首都夏灣拿及囚禁恐怖分子的關塔那摩灣監獄的經過：「我哋探嗰啲係低危險性，但據聞隔籬就住咗幾個塔利班2、3號人物。」永城認為今次比上次北韓之旅好玩：「北韓嗰度充斥恐懼，啲人好木獨好似機械人。古巴啲人開心啲、熱情啲。（見到美女？）好多！（艷遇？）點解次次都問呢個問題，有都唔會講啦！不過我哋係幾吃香，因為嗰啲女仔希望嫁出去，好主動。」提到新開台的ViuTV亦有到訪古巴的節目，永城說：「比較就一定，但我對節目有信心，希望係良性競爭，有唔同角度畀觀眾睇。」