古仔難忘肉搏戲釘姐力保不「濕」

古天樂於片中與佘詩曼及李成敏有不少對手戲，他直言對Clara的一場埋身打戲最難忘：「最難忘係喺酒店同Clara角力，當然亦有同佘詩曼喺泳池鬥智。」阿佘與古仔第二度合作，對他有讚無彈，又自爆成功避過一場落水戲：「上次拍《衝上雲霄》有一場同古天樂喺泳池拍嘅激情戲，今次睇劇本都有水戲，就係畀佢推落水，但拍嘅時候無端端改咗冇呢場戲，初時我仲擔心落水個樣唔靚嘛，妝頭都甩晒亂晒咁，好彩依家部戲煞科又天朗氣清又唔使落水，天助我也！」