人氣組合One Direction（1D）成員Harry Styles日前被爆於去年暗嗒兩女，分別是41歲露體狂名嘴Chelsea Handler及24歲爆乳空姐Megan Smith，驚揭其雜食性口味！
現年22歲的Harry Styles憑靚仔樣食女無數，不時越級挑戰嗒中女，而集郵名單日前又再更新，萬萬估唔到竟然會係41歲名嘴Chelsea Handler！有指兩人雖然相差19歲，但對於食慣中女的Harry嚟講完全唔係問題，加上彼此有共同朋友，Harry的經理人好友Jeffrey Azoff正是Chelsea經理人Irving的兒子，故兩人於去年一次派對上碰面即相當投契，剛巧大家都係玩得之人，所以一拍即合，更演變成齊齊攤在床上咬耳仔談心，完全當場內所有人透明，實行你有你開P，我有我搵食！當晚在場人士指：「明眼人一睇就知佢哋調緊情。」
剛巧去年4月時，Chelsea不避嫌上載一張和Harry在梳化上的合照，Chelsea更穿着籮柚位置印着「Harry」的比堅尼背對鏡頭，疑似是兩人經過一晚交戰後留下的「愛的印記」！不少Harry的粉絲看到新聞後都覺得Harry玩大咗，亦有網民留言：「Chelsea一定將Harry生吞冇得剩。」
除了暗嗒Chelsea，Harry亦被爆與24歲巨乳空姐Megan撻着。有指去年6月至10月1D周圍飛舉行巡唱騷《On The Road》時，Megan曾於私人飛機內當空姐，因而搭上Harry，兩人很快已一齊，不時低調約會。有內幕人士透露Harry至今年1月1D暫休時仍想認真發展：「Harry陪着Megan度過數個艱難時刻，而Megan亦明白Harry大明星身份，從不過問佢嘅情史。」不過，直至Megan向Harry發出的多張性感照，包括半裸自拍巨胸照在網上流出後，Harry便決定趁戀情曝光前斬纜，之後才與索模Kendall Jenner拍拖。
文：外娛組