Shin韓國選秀晚晚喊

本港女子組合As One成員Shin完成韓國選秀節目《PRODUCE 101》後，昨午二時許返港，有逾半百歌迷在機場迎接，As One其餘三成員Chloe、Nata及Kayan亦有帶禮物接機。Shin受訪時指為參賽已有四個多月沒返港，在比賽中列23名被淘汰的她坦言不失望，並認為輸在沒大公司支持及自己不是韓國人：「佢哋始終排外，但學到好多嘢，好滿足。」
Chloe（左起）、Nata、Shin及Kayan終於重聚。
Chloe（左起）、Nata、Shin及Kayan終於重聚。

Shin承認在韓國壓力大，晚晚都喊：「喺當哋飲食搞到肥咗幾公斤，有時同啲朋友表達唔到，覺得好辛苦，加上掛住媽咪同隊友，媽咪有靜靜雞嚟陪我一星期。」她說返港後最想飲茶，問會否再參加選秀比賽？她笑言：「試一次就好啦，如果可以攞第一就梗係去。」

Shin獲三位姊妹獻吻。
  • Shin獲三位姊妹獻吻。