林嘉欣輸獎唔輸陣圓電影夢

女星林嘉欣前晚雖然失落影后，但未有影響心情，她出席「英皇電影Awards Night After Party」時說：「我都同導演（老公袁劍偉）講，無論有冇獎，邊個都拎唔走我哋拍戲所得嘅經驗，好開心同佢一齊完成電影夢。（點睇春夏封后？）賽前都話佢演得好自然。（學友台上同張家輝一番話，佢好介意冇獎？）佢哋熟開玩笑啫！（佢唔嚟After Party，嬲冇獎攞？）佢不嬲冇話會出席，佢分得好開，工作還工作。（有人話你套衫有孕味？）唔一定次次着到好窄嘅，最重要整體感覺舒服，似番自己。」