甄子丹 蔡加讚愛駒10倍爆冷跑出

「宇宙車神」是甄子丹和蔡加讚聯名的自購馬，取名緣於子丹被外界封為「宇宙最強」，而加讚本身已擁有一匹名叫「車神」的愛駒，結合而得名。「宇宙車神」早前來港，首次出賽跑馬地馬場，疑因未習慣而跑包尾。昨日牠再出賽於沙田跑1000米直路賽，恍如變了另一匹馬，竟然爆出10倍冷門！是次頭馬獎金共664,050元，扣除練馬師及騎師等支出，馬主將淨袋46萬左右。練馬師大摩亦睇好，寄望會再贏馬。

忙工作冇入場

可惜由於甄子丹不在港，而蔡加讚又忙於工作未有入場捧愛駒。昨日加讚說：「好開心，覺得隻馬好有潛質，希望將來會發揮得更好。（估唔到會贏？）知佢有潛質，所以贏真係好開心，因為工作關係今日去唔到拉頭馬，不過有信心將來會仲有機會。」昨早才返港的汪詩詩，表示不知道有賽事，笑言早知一定入馬場拉頭馬：「上一次第一次出賽，可能夜馬有燈嚇親，結果唔係幾好，無諗過第二次咁醒目，好驚訝。個個啱啱返港，無諗住入馬場，反而就有咁好成績。」

身在加拿大的子丹獲太太詩詩驚喜安排睇籃球賽。

「宇宙車神」昨日第二次上陣，狀態大勇。

隔空示愛冧妻

至於子丹的太太汪詩詩亦火速截圖上載IG留言：「Congratulations to our horse Bad Boy！！！Winner」此外，子丹早前趁復活假期陪太太及子女到加拿大探親，獲詩詩安排驚喜睇籃球賽現場，子丹在IG發表愛的宣言：「多謝寶貝你帶畀我咁多快樂。」友人大讚子丹夫婦好恩愛。

文：名人組