Jeana生日向謝勒畢拿集郵

何佩瑜（Jeana）、胡杏兒、任達華及荷里活型男謝勒畢拿（Gerard Butler）等，前晚出席電影《白宮淪陷2倫敦淪陷》慶功派對。Jeana身穿Deep V裝示人騷身材，造型性感，前晚適逢其生日，身為壽星女的她識做地說：「今日係我27歲生日，希望同《倫敦淪陷》嘅荷里活型男謝勒畢拿合照，我鍾意睇佢演嘅戲！」結果亦得償所願，成功集郵！問到活動結束後會否再出去慶祝？她說：「唔啦！聽日一早都要出席活動。」問到生日願望是甚麼？她說：「希望接多啲好劇本。（恨拍拖？）都想，自己都Dry咗3年啦！（有冇收到追求者送嘅生日禮物？）有收花，朋友送嘅，追求者就冇。」

任達華帶乖女「朝聖」

而任達華與太太琦琦及女兒任晴佳（Ella）齊齊到場，任達華曾與謝勒畢拿合作電影《盜墓者羅拉》續集，他說：「我喺無錫趕返嚟，因為我個女超級鍾意謝勒畢拿，視佢為超級偶像！我知道咗佢嚟香港，即刻趕嚟，等個女見吓偶像，開心吓！」

謝勒畢拿（右）與導演巴巴克納加菲齊齊Chok甫任影。	胡杏兒有幸同謝勒畢拿同枱食飯，仲帶埋老公去添！	唐貝詩以穿窿裙上陣，「線」動在場賓客。

杏兒黐偶像開餐

至於胡杏兒出席派對前與謝勒畢拿共進晚餐，她說：「我要撐公司同老闆，所以今晚點都要出席！之前同謝勒畢拿食飯，佢個人好Nice，毫無架子！」問到老公可有齊齊開餐？她說：「有，蕭定一有請佢，佢都有嚟，不過入咗去。」

文：影視組