張家瑩 袁潔儀鬧爆Sharp Cut結尾
前亞姐張家瑩、藝人李美琪（Monnie）及可嵐等到昨日到荃灣出席車行開幕活動，家瑩大晒美背非常養眼，惟她自嘲性感不及車模：「我已經係低調，只係露背！」提到4月1日當晚亮相《東網》及《東網巨星》Facebook專頁的直播節目《告別亞視》及《直擊熄機》，家瑩現場收看亞視是Sharp Cut變藍畫面，她無奈地說：「點解唔係一個美好回憶？心入面唔好受。」更在受訪時狠批自王征入股後便弄得亞視一塌糊塗，不諱言只認前執董葉家寶為高層：「啲網民話搞成咁係自己攞嚟，係抵死，但局內人嘅感情好難話斬就斬。我喺亞視出身，真係希望佢好番，依家咁都唔知好嬲定好笑！」
Monnie則透露早前到韓國受訓，除了親睹韓星Rain風采外，更有幸與男星李太奐同枱食飯：「佢幫我哋剪泡菜，剪到流晒汗，我用僅餘識嘅韓文問佢：『Oppa你係咪好緊張？』」
另外，前亞視藝人袁潔儀昨日在電影活動上眼泛淚光鬧爆「藍畫面結局」：「唔尊重行業、唔尊重市民，一早都知要熄機，可以做好準備，睇到咁嘅結局好心噏，走都走得咁核突，真係遺臭萬年。」