向來搞笑的林敏驄，在頒獎禮中與鄭中基大放笑彈，又將「膠」字玩粗口諧音，可謂「技術性」拋離中基。阿驄笑說：「鄭中基，你唱歌幾多人拍手，學友喺度你都敢唱？你唱咁好幾時開演唱會，聽講唔批畀你，節哀順變，紅館唔得咪差館囉，唔啱咪殯儀館囉。」滔滔不絕的阿驄再笑稱今次出席使命「膠」難度，全場歡笑聲不絕。鄭中基補鑊：「高難度！唉，你都係唔好講嘢喇，去片。」林敏驄又話：「你唔好亂唱人哋啲『膠』（高）音。」跟住鄭中基話節目over run，叫阿驄唔好講咁多。
