有份角逐新人獎的蘇麗珊翹實男友游學修到場時，記者着二人停步合照，奈何大家卻叫不出「游學修」，情急下大叫：「阿男朋友呀，影合照啦！」至於王宗堯與英皇藝人麥子樂先後現身，前者竟自爆二人撞衫，王宗堯說：「撞衫唔緊要，係大家都有眼光啫！」而張建聲亮相時憶起亡父謂：「我答應咗佢要入圍角逐金像獎，今年未有機會，咁獲邀上台介紹『最佳電影』都算以另一方法履行承諾。」
