楊崢晒素顏增自信

名模楊崢昨日以非洲大使身份出席慈善活動，她透露早於2005年首次跟該會到非洲贊比亞作慈善探訪，印象深刻：「我去到當地皮膚敏感，當時做咗模特兒唔係好耐，所以幾在乎自己個樣，但又冇醫生睇又冇藥食，最後要素顏出鏡，學識咩叫豁出去，發現個樣唔係咁重要。」楊崢表示希望有機會再次探訪當地居民，了解居住環境有否改善，還透露稍後會到巴西參與奧運開幕禮，屆時或會順道前往南美其他國家訪問名廚，為新書作籌備。