陳智燊拍拖搵交嗌導演調停
藝人蔡思貝與陳智燊（Jason）昨日出席電訊公司與無綫合辦的活動「3Shop電視新睇法全城爆Like活動」，席間大談「myTV SUPER」煲劇組合。剛從新西蘭完成節目《星星探親團》的Jason，笑指此行與未婚妻宋熙年（Sarah）同行，問到是否預支蜜月？他謂：「唔係，今次拍得好輕鬆，其實我哋不嬲都了解，只係今次有埋畫面，以前同Sarah做主持嚴肅啲。今次好似真人騷咁，希望導演到時唔好剪走啲摩擦片段。（有嗌交？）係各自有自己立場同堅持，所以會叫導演幫手調停。」對於亞視昨晚熄機，Jason亦大感不捨：「啲朋友都有post熄機畫面，就算嗰度唔係自己主場，作為觀眾同電視行業都會覺得可惜。」
蔡思貝撐家輝稱帝
而同樣拍攝《星》節目的蔡思貝，透露此行未有如Jason般與另一半一同甜蜜出埠，笑指當地乃自己成長地方，故想獨自前往，順道與一些老朋友敍舊。問到節目中有否談及其疑似偽造學歷事件，思貝謂：「唔關事，內容都係講我成長地方！」有份角逐金像獎「最佳新演員」的她，坦言對手太勁令其零信心，反而睇好張家輝奪影帝。
寸網民熄機先珍惜
對於曾與她傳緋聞的羅仲謙秘婚，思貝表示已在電話群組恭喜對方，並要求對方請食飯，問到事前是否不知情？她謂：「我覺得好好，呢啲係兩個人嘅事，咁樣係最浪漫，祝福佢哋。」談到亞視前晚終於畫上句號，思貝謂：「我覺得好古怪，要結束啲人先識得珍惜，但正面啲去講，都可以話係一個新開始。」
文：影視組