李泳漢老婆佗B仔被「禁足」
藝人李泳漢三個月前與女友嚴佩鈺「雙喜臨門」成婚，昨日他在鑽石山出席活動擔任嘉賓時透露太太佗B七個月，預產期為6月。初時泳漢大賣關子不公開此胎是仔定女，表示一樣疼錫，惟言談間常以「B仔」來形容，似暗示太太佗男嬰。他自認是呷醋準爸爸：「媽咪叫佢就會畀反應踢腳，我對住個肚唱歌就唔理我。」
泳漢提到太太佗B，笑言懷疑她有產前抑鬱，情緒波動甚大，幸媽咪及弟弟李泳豪輪流照顧，他說：「佢出入醫院幾次，又兩次見紅。我叫佢出入坐的士都唔聽，偏要坐港鐵，我驚人撞親佢，要下禁足令，想佢留喺屋企。」
