筱靖「先人論」黎燕珊激動訓話

由《東網》App及網頁直播的《告別亞視》前晚邀得黎燕珊、筱靖及林韋辰任嘉賓，而《東網》與《東網巨星》Facebook直播的《直擊熄機》邀得寶珮如及張家瑩擔任主持，同步與全港市民見證亞視熄機一刻。不足24小時，兩個節目在《東網》及《東網巨星》Facebook的瀏覽次數超過5萬，掀起全城熱話！

「夾心人」林韋辰打圓場

1985年首屆亞姐冠軍黎燕珊、前亞姐筱靖及亞視金牌主持人林韋辰，於《告》齊齊細數亞視當年情，不過在這個傷感的氣氛下，有網友發現筱靖與黎燕珊出現激動場面！事緣主持俞詠文提到筱靖出席活動時，以「先人」形容亞視，問到為何有此番見解？筱靖說：「因為已經冇得改變，係事實啦嘛！係亞洲電視栽培咗我出嚟，令大家認識我筱靖呢個人，如果我發光發亮，有更加好嘅前途，某程度都係回饋番畀亞視。」

田蕊妮	葉家寶	放大圖片

身為師姐的黎燕珊聞言即向筱靖「訓話」，指她不應以「先人」來形容亞視：「你話先人喎！點回饋社會呀！唔可以咁講(口架)嘛，你選亞姐出嚟，栽培你出嚟(口架)嘛！點可以話先人(口架)啫！」筱靖即反駁：「咁佢行先一步啦嘛！咁冇辦法啦！」坐在中間的林韋辰即出口打圓場：「我又覺得亞視不嬲講親情，我覺得個親人即將會畀人抆喉，一路都瞓喺度唔郁得，差唔多好似植物人。」

黃守東	黎燕珊（左）睥實筱靖，令夾在中間的林韋辰非常無奈！	寶佩如在節目中展示當年在亞視的舊照，和觀眾分享回憶。

網民封張家瑩「咪神」

對於被網友指言論甚為激動，黎燕珊說：「做人要識感恩，『送先人』呢句說話聽到覺得好『銀』耳，自己就直接表達意見，希望記住知遇之恩，其他就唔回應喇！」而筱靖亦自覺冇講錯嘢：「其實『先人』呢個Term，喺亞視話熄機我已經對大家講咗好多次，估唔到佢咁大反應，唔想再講咁多。」

至於寶珮如及2007年亞姐冠軍張家瑩則在《直》節目中與網友即時互動，穿低胸連身裙的張家瑩不時露出事業線，獲網友大讚夠性感及有女人味，更封她為新一代宅男女神！亞視熄機一刻事出突然，張家瑩即眼紅紅說：「我冇諗過自己會喊！」至於寶珮如則說：「點解咁突然？」用熱淚「送走」亞視。

亞視於前晚11時59分後正式結束亞視使命，先後效力亞視的台前幕後紛紛以不同方式見證熄機一刻。

江美儀：正在廠拍攝，拿起iPad見證着「亞洲電視」的最後一刻，原以為會有甚麼道別儀式，原來只是一瞬間中斷，只出現一個藍畫面。從燦爛到寂靜，這就是他的下場！真。結束！ATV,you will always be missed！」

羅霖：突然Cut咗畫面好突然，喊咗出嚟！我哋成班以前嘅亞視藝員，希望有感謝大家支持亞視嘅字句，變咗咁好失望！（成為最後畫面（小圖）好光榮？）唔覺得，嗰一刻好感慨，無聲無息就冇咗。

楊恭如：自從1995年成為亞洲小姐冠軍，此後四年一直讓我在順境中成長……感謝亞視在那四年中對我的栽培……看來4月1日注定是個悲催的日子！

田蕊妮：在家見證亞視熄機的一刻……一個經營了59年的電視台就此結束。畢竟我16歲就在此電視台工作了10年，來到這一刻確實有點唏噓！感謝亞視給我的栽培！

前亞視執董葉家寶：為咗要令亞視有尊嚴咁結束，我尋晚冇睇電視，冇睇最後畫面，清靜咁過，但我瞓唔着，成晚亦諗番喺亞視所受嘅甜酸苦辣，後來我聽朋友講最後畫面只有雪花，卟一聲冇咗，睇到木嘴，我覺得有冇搞錯，點可以處理得咁唔專業。（熄機後第一日點過？）我着咗新鞋，象徵踏出新一步。

前亞視發言人黃守東：我天光先瞓到。（熄機難過？）一個年代嘅終結，我覺得應該同同事過，有諗過去控制室目送最後畫面，點知同事話有保安把守入唔到去，交接後我哋嚟咗個大合照。（新動向？）有人搵我拍廣告，都想試吓。

採：影視組　

文：專案組