李嘉欣最驚囝囝秘密通街唱
大美人李嘉欣昨日出席活動時大談兒子趣事，指他非常健談，更經常將家中事情爆給陌生人聽，令她哭笑不得，故不會將自己的年齡告訴囝囝。對於台灣的女童被斬首案，嘉欣認為悲劇難以防範，不會因此而考慮請保鏢保護，深信香港是個安全的地方。
45歲的李嘉欣昨以大使身份出席2016《愛彼女皇盃》獲選參賽馬匹名單公布會活動，同場還有藝人陳爽、甘國亮和名媛趙金卿，台上播放嘉欣首次帶囝囝到馬房探望其愛駒的片段。
兒子不怕陌生人
嘉欣稱兒子很喜歡馬匹，將來會讓他學騎術，也不擔心囝囝摔倒。嘉欣說：「唔跌唔大，而且佢都唔係咁嬌生慣養，鍾意刺激嘅嘢。（佢個樣好斯文。）佢都幾活潑，講好多嘢，有時要叫佢唔好講咁多，佢同陌生人都可以講好耐，將屋企嘢講晒出嚟，冇秘密。（有冇爆過啲乜？）太多，有時都會有少少尷尬，我又唔想教佢唔誠實講大話，但佢講得太詳細，細個仲會畫埋畫畀人睇，所以我有啲嘢都唔會同佢講，例如我年齡、爸爸嘅年齡都係不詳嘅。」嘉欣笑謂兒子性格熱愛社交，如果他有興趣，不介意讓囝囝入娛樂圈，但待他長大自行決定。
唔令自己神經質
提到近日台北女童被斬首的慘案，嘉欣認為是社會悲劇，自己作為母親，認為親眼目睹這一切，創傷難以平復，並大讚女童母親十分堅強。問她可會灌輸安全知識給兒子，例如切勿接觸陌生人？她謂：「佢都幾鍾意陌生人，我哋一般認為喺安全環境下，悲劇冇得預防，我唔會令自己咁神經質。（會唔會請保鏢？）如果遇到個癲嘅，有保鏢都冇用，我覺得香港都安全，個別事件冇得擔保。」
文：名人組