袁紫僑認大食 誘餓男埋身
組合少女標本成員袁紫僑（CoCo）、許雅婷（Kabby）及簡淑兒（Jessica）與河國榮昨到鑽石山荷里活廣場出席「台南街頭小食節@荷里活廣場」活動。Jessica表示曾到台北及高雄拍攝旅遊節目，雖然要拍攝浸溫泉場面，但沒有穿着泳裝示人，她自嘲說：「就算我着泳衣都冇人想睇啦。」
「大食妹」Coco表示自己平時吃很多東西，問到可擔心嚇怕男士？她說：「唔會，我啲男性朋友都好鍾意食嘢，反而大家有個共同話題。」Kabby笑Coco說：「佢好易養，食麵包、食飯就得。」Coco搞笑謂：「食麵包都食窮。」
河國榮讚亞視藝員
河國榮雖然未效力過亞視，但唱歌曲《亞視永恆》就唱到街知巷聞，對於亞視4月1日後熄機無法永恆，他說：「公司關門，對藝人嚟講係好事，因為啲人困咗喺嗰度，其實佢哋好出色，但係公司唔做嘢，咁執咗，啲藝員就可以出番嚟做嘢，唔使好似喺度畀人雪藏咁。」
問河國榮明晚會否見證亞視熄機？他說：「唔會，因為要做粵劇。」河國榮表示當年曾有機會為亞視劇集《張保仔》飾演老外角色，但當時因持有的是旅遊簽證，故未能參與拍攝。
文：影視組