曾國祥廢中求廢J.Arie等嫁富二代

日前曾國祥及雷琛瑜（J.Arie）擔任東網電視《娛樂onShow》嘉賓，接受主持陳振安訪問，談到二人在新片《老笠》中的角色，主持以「苦主」形容他們！原來劇情講述飾演「廢青」的曾國祥難得打一晚工，怎料成為劫案的人質之一，他說：「我係不折不扣嘅廢青，工又唔願返，有日經過便利店，見到請人就諗住做一晚，入去就發生老笠打劫。」他曾在電影《AV》及《囡囡》中飾演類似角色，問到如何揣摩，他說：「今次嘅角色『阿平』一開始好憤世嫉俗，後來有轉變，導演叫我一開始要廢到盡，嘢又唔想做，廢到冇得再廢，叫我試吓演90後唔願做嘢嘅青年。」

遇劫唔好彩

至於曾在電影《死開啲啦》飾演港女的J.Arie，今次再演港女，曾國祥笑說：「你慘喇！好快被定型！」問到今次與以往不同的地方時，J.Arie直言：「比較貼近我本人抓狂嘅性格。（做番自己？）少少啦！我個角色『美圖』係便利店職員，係一個待嫁港女，有富二代睇中佢，原本三日後結婚，點知『老笠』扭轉咗佢一生。」

J.Arie與曾國祥接受主持陳振安（右）訪問，暢談合作點滴。	J.Arie與曾國祥齊齊遇劫，認真黑仔！	曾國祥演廢青，奉旨Hea住開工。

向前輩偷師

同片還有多位好戲之人，包括馮淬帆、林雪及姜皓文等，作為後輩的曾國祥當然趁機偷師，他坦言最深體會是馮淬帆：「佢有咁上下年紀，由細睇到大，到今時今日仲有團火，好佩服！」而「嫩葉」J.Arie自言拍第一場戲已很緊張，想知道她因甚麼事緊張及如何減壓？記得留意東網電視《娛樂onShow》喇！

J.Arie

服裝：b+ab@i.t

化妝：Jessica Chan@jessicachan Make-up Workshop

髮型：Kenki@Private-i Salon

曾國祥

服裝：Uniform Experiment@I.T

化妝：Yannes Lee@NDNCO

髮型：Ryan Ma@Amour Hair Spa & Salon

文：專案組

場地：Centre de Vin