朱晨麗上床啜嘴安仔讚大膽
藝人郭晉安與朱晨麗日前於九龍城拍攝新劇《致命復活》的一場甜蜜睇中醫戲，再度合作的二人默契十足，安仔笑言與朱晨麗合作感覺年輕幾歲，朱晨麗說情人節與安仔拍了一場有錫錫鏡頭的床上戲，笑謂過了一個浪漫情人節，安仔更讚朱晨麗肯大膽拍床戲！
郭晉安與朱晨麗日前於九龍城拍攝新劇《致命復活》外景，二人到有逾50年歷史的中醫店取景，演甜蜜睇中醫的戲份。對於合作，安仔謂已有默契，笑言與朱晨麗合作感覺年輕幾歲：「依家啲後生幾大膽，我同朱晨麗有床上戲，有一場同陳庭欣嘅戲佢就露晒成個背脊！」朱晨麗更謂床戲十分浪漫。
囡囡模仿力高
郭晉安謂將到越南拍攝外景20多天，問囝囝與囡囡有否詐型？他表示沒有，而且仔女十分貼心，明白爸爸因工作需要會不時飛來飛去，從未有扭計，他說：「佢哋好乖，知我夜收工，第二朝起身返學都好靜，怕嘈住我瞓覺，有時佢哋返咗學我都唔知！」
郭晉安又指大仔目前讀小二，最近開始追看他演的劇集：「佢問番我係唔係拍劇嗰陣扮過跛，因為啲同學問佢。（佢鍾意拍戲？）佢有問我大個會唔會好似我咁拍戲，我叫佢讀完書先囉。（畀佢做童星？）童星就唔好啦，第時佢要拍唔會阻佢。」不過郭晉安說囡囡的天分較高：「佢模仿能力高，喺屋企，工人姐姐幫佢着校褸，佢返到學校就幫其他小朋友着校褸。」
過浪漫情人節
朱晨麗預計在越南留20日拍攝，談到與視帝郭晉安合作，她表示初初亦覺緊張，不過對方十分玩得又投入，故令她愈拍愈順。至於親熱戲，她笑言二人在情人節拍了一場有錫錫鏡頭的床上戲，笑謂過了一個浪漫情人節，她說：「冇尷尬，不過就好浪漫！」
文：影視組