劉浩龍廣州做義工起屋

歌手劉浩龍昨日到電台宣傳將推出的新碟，他笑言為出碟減十幾磅：「因為一拍劇上鏡肥番啲靚啲，我出碟就會減番十幾磅。」他講到早前去廣州從化做義工，親手為當地居民建屋：「真係落手落腳開水泥、砌磚、打地基嗰啲，過程好深刻，香港人做慈善活動好熱心，但可能擺低錢就算，我本身都有問點解唔擺筆錢請當地人做就算，但做過之後真係體會到分享係更加重要。」他講到去了全村最窮一戶探訪，第一次感覺到家徒四壁，感受更加深刻，步出房子後更不禁落淚，故計劃10月再到越南為更多的人建設家園。