陳柏宇慳皮求婚冇戒指

歌手陳柏宇（Jason）將於明年七月迎娶拍拖多年的模特兒女友符曉薇，昨日他接受電台訪問時透露將會在港擺酒：「開始睇場。」問到會否邀請圈中人飲？他說：「一路唔想請，之後覺得有啲人喺我心中係欠咗佢，所以好糾結。」並透露兄弟姊妹團都是圈外人。

自稱疼錫未婚妻的Jason卻遲遲未求婚，即被取笑冇誠意，Jason否認：「會做，不過唔會好似做騷咁！」問到有否準備求婚戒指？他直言不想嘥錢：「冇呀，好無謂，求婚戒指係女人用嚟炫耀，炫耀唔係講緊隻戒指，係老公有幾好，係自己感受。」