林峯開騷玩命買重保險

歌手林峯昨日舉行《TRAP》專輯祝捷會暨瑞士依波路表160周年呈獻《HEART ATTACK LF Live in HK》預先張揚記者會，除了新碟獲頒白金唱片外，本月29日起一連三日假紅館開騷的阿峯，更大爆個唱將有一個360度快速旋轉的舞台機關，而另一個環節會玩「天馬行空」，超級畏高的他會在半空中演出，挑戰自己！

「可能會飛咗出街」

受訪時，阿峯稱公司會幫他買重保險：「以往7位數，今次會多啲啩！」又指快速旋轉台比吊高在空中更危險：「冇安全措施，靠自己平衡力，仲要同操作嘅人配合，如果唔係可能會飛咗出街。（轉幾快？）應該唔會嘔嘅，我最驚係暈，我已經冇方向感，轉一轉我驚自己唔知行咗去邊。」問到如何克服畏高？他笑說：「冇！吊咗咁多年威吔你哋都唔知我畏高，我咪催眠自己我識飛。（吊幾高？）唔知！通常去到現場愈吊愈高，去到你唔得為止，我為咗演唱會可以去到好盡。」他又預告坐中間位置的觀眾將有更多福利。

林峯大爆騷上將有一個360度快速旋轉舞台機關。	林峯新碟獲頒白金唱片，舉行祝捷會開香檳慶祝。	林峯攞起錘仔起勢扑落去，相當肉緊！

操Fit襯靚戰衣

阿峯笑言是看到好友馬天佑為他設計的衣服後，才決定要積極操弗自己。問到個唱服裝是否很少布？他說：「我哋唔係Sell少布，係Sell靚，要配合啲衫所以要操到好弗。今次好多布料係喺英國攞番嚟，同埋我太多跳舞喇！服裝會配合，太勁嘅服裝我就跳唔到，所以會輕身啲。」提到吳雨指他演唱會及新碟製作費高達8位數，阿峯透露已回本：「搵番o架喇！跟住嗰啲就係Bonus嚟。」

文：音樂組　

攝：林蔚恩