江華讚個個精英

1986年亞視藝員訓練班出身的江華，原名陳木華，拍過不少亞視經典劇集，如：《我和春天有個約會》、《勝者為王》、《銀狐》等：「我都係亞視藝員訓練班出身，工作咗十年，睇住好多唔同變化，到今日要結業。有時有啲嘢，係要推冧佢先可以重建。亞視係個好好學習嘅平台，可能係資源問題啦，服裝、化妝、梳頭都係自己學，嗰時見啲師姐好全能，分日場、夜景點去連戲，各方都Handle得好好。如果你問，個人覺得，喺亞視令我學到好多嘢，好多人話亞視好有人情味，係點嚟呢？係好多嘢都要靠自己，同埋大家互相幫助、協調而出嚟！今日知道亞視要結業……你問我，唔緊要嘅，相信另一個亞視會誕生，亞視多謝你！」