楊玉梅重獲后冠保榮耀
1990年當選亞姐季軍並奪得「完美體態獎」、「最上鏡小姐」三獎的楊玉梅，對亞視「熄機」大感無奈，回顧在亞視五年的光輝歲月，當中帶給她不少甜酸苦辣。
其中亞姐選舉節目當時叫好叫座，入場券更是「一票難求」，但講得到的榮譽卻沒有一件實物作留念，楊玉梅說：「我冇好似亞姐張家瑩咁幸運，有個價值三百萬嘅后冠作留念，我只得一個膠獎座，當選梗係好想要個后冠留念，但公司話要傳承下一屆，冇得送，就連我自己件旗袍、泳衣同彩帶都冇，留作回憶嘅只得照片、剪報同個膠獎座！」不過她一直將獎座保存得很好，得閒會拿出來摸摸！
楊玉梅又說：「直至2013年亞姐25周年舉辦咗個活動，亞視話每位亞姐造番個后冠畀我哋，我當然要啦！因為係自己嘅榮耀。」
服裝：Feneur fashion group
塲地：Bugis Corner