羅霖懷念「娘家」人情味

羅霖（Candy）在亞視關台倒數前夕再戴上后冠，百感交集。回想當年參選，司儀是已故藝人沈殿霞及黃霑，台下有影星成龍等。1991年羅霖以25歲之齡參選亞姐，前任空姐的她當年獲形象設計張學潤提名：「嗰陣我24、25歲，其他亞姐17、18歲，成日畀人笑我老，當然鬆（月爭）嗰啲就實有；最難忘係嗰陣去西班牙出外景，要着住個bra套件喱士喺西班牙廣場跳舞，我性格內向，返到酒店打畀媽咪話想退選，第二日報紙就寫我退選（同房傳出去）。媽咪鼓勵我唔好放棄，如果嗰陣退咗，我都唔會喺呢行，我估我會做生意！」