朱璇冇仔埋身嫌「男友」阻碇
藝人朱璇、王浩信和曹永廉昨日在旺角出席「3香港及3家居寬頻」及「myTV SUPER」宣傳活動，朱璇受訪時再稱緋聞男友湯珈鋮只屬好朋友，但仍會與對方單獨約會，她說：「我都有約好姊妹出街，不過佢（湯珈鋮）同姊妹圈子、行業唔同，冇乜話題傾唔到偈，（佢追你？）我哋係好朋友，過多幾十年都係好朋友。」之後朱璇更嫌對方阻礙自己識男仔：「啲人會以為我同佢拍拖，我都要介紹女仔畀佢識先得喇，（唔同佢出街杜絕緋聞？）佢都冇做錯到，咁好慘。」
曹永廉睇劇學常識
浩信及阿廉則分享同仔女煲劇心得，浩信笑言會逼家人睇自己有份主演的劇集：「自己套劇出街我會重複睇好多次，個電視係由朝頭早新聞去到《東張西望》都係播緊我自己嘅劇，我個囡每日都睇。」還笑言囡囡藉劇集教訓自己：「叫我唔應該打人！」阿廉亦會為囝囝挑選劇集，陪睇增進感情及趁機學習：「我可以同佢講番電視上有咩唔啱。」
提到ViuTV下月開台同時將韓劇潮流帶到免費電視，浩信及阿廉表示不擔心，浩信說：「依家科技方便，可以隨時隨地睇，唔會話你睇咗一套就會miss咗另一套。我都有一個心願，希望講廣東話嘅人支持番港劇。」
文：影視組