李佳芯演慣狐狸精負負得正
藝人李佳芯（Ali）昨日到西環出席活動，被問是否得劇集《潮流教主》帶挈多了工作？她說：「我都估唔到一個負面角色，出嚟反應幾正面。之前我演小三、狐狸精多，今次演事業女性令我多咗女Fans。（今後避演小三？）我一向冇揀角色，依家拍劇都演媽媽，我只會諗點樣演好每個角色。（工作忙冇時間同男友陳炳銓行山？）呢方面我不嬲低調，食飯、行山係我工作以外正常生活，冇乜特別回應。」
提到有傳陳山聰對Ali展開追求，Ali說：「我唔知，山聰份人好nice，我哋同一個經理人，佢好似師兄咁，會主動建議我點可以做好啲。（佢太入戲被誤會？）要問番佢，大家都係專業演員，我諗外間諗多咗。（羅仲謙有冇講你聽佢同楊怡結婚？）冇，係咪真？真嘅恭喜佢。（TVB姐仔閃婚潮，幾時到你？）我未有咁嘅計劃，之後嘅嘢之後先諗！」