網民催婚張文慈認真考慮吳廷燁

萬綺雯（左起）、吳廷燁、鄧萃雯及張文慈私交甚篤齊齊暢飲。

張文慈與吳廷燁多年前因合作拍劇而結成好友，由於兩人外形合襯，令粉絲都十分期待二人的螢幕情侶關係可以伸展到現實生活。不過據悉一直「郎有情妾無意」，故關係未能再進一步，想不到近日二人結伴出席友人聚會，拍下一張「親密照」，再次觸動網民神經，向二人「催婚」。

原來當日二人聯同萬綺雯（蚊蚊）及鄧萃雯，為一位台灣朋友籌辦神秘生日會，未料到友人在出發往機場來港一刻，才發現護照過期而未能成行，教Pinky等人相當失望。Pinky接受電話訪問時笑言：「冇辦法，我哋惟有照玩啦。蚊蚊遲啲要開工嘞，我哋又好耐冇聚過，氣氛相當愉快。（你同吳廷燁啲相影到好襯，網民趁機『催婚』喎。）哎吔，點解個個都咁講？連蚊蚊都問我哋有冇可能。一係咁啦，遲啲我冇人要，而佢又肯要我嘅話，我哋就喺埋一齊啦，我會認真諗諗。」

張文慈與吳廷燁外形襯到絕。

張文慈自爆遭萬綺雯追問與吳廷燁的發展機會。