23歲陳嘉桓唔使僭建：我仲發育緊！
現年23歲的陳嘉桓（Rose）身材出眾，近年轉型行性感路線，今次開新戲更要拋胸爬枱色誘林盛斌Bob。揚言絕無「僭建」的Rose谷出強勁湯碗胸兼騷長腿，自爆上圍繼續「發育」！談到與Bob埋牙前可有練習一番，她笑言未敢想像。
藝人林盛斌（Bob）、陳嘉桓（Rose）、唐詩詠、麥玲玲、莊思敏、岑日珈、吳浣儀及朱咪咪等，昨日出席葉念琛導演的新片《我要發達》開鏡儀式。以一襲黑色低胸連身短裙現身的Rose，谷胸騷長腿撼贏一眾女藝人，成功搶鏡！Rose受訪時表示兩年前拍電影《男人唔可以窮》中，谷胸色誘黃宗澤一幕深入民心，所以今次再色誘男主角Bob。首次拍攝喜劇的Rose，透露今次色誘Bob的場景需要爬枱 ，更因而令雙膝瘀晒，加上自己手長腳長，所以場面搞笑。
廿歲女繼續標高
Rose指劇組讚她演色誘戲時更添女人味，問到事前可有練習？她笑言：「冇呀，好難喺屋企想像同Bob！」提到可有與上次戲份一樣「僭建」上圍，Rose即自爆真材實料：「冇呀，正常囉，但我仲發育緊！唔係特別升cup，係着同size嘅內衣會勁啲。」她直言將來可多試不同的性感角色，更坦言對身材有信心，若果fit啲穿比堅尼上鏡都冇問題。事後當記者致電Rose提到仍在發育一事，她直言：「入行到依家都高咗2-3cm，着番以前啲褲都會吊腳。」
禁老婆囡囡監場
而同場首次任電影男主角及女主角的Bob和唐詩詠，指在戲中常對演內心戲。Bob更大讚詩詠演技：「過多兩年一定係視后！」提到今次拍攝艷福不淺，Bob笑言會與一眾身材好的女演員對戲。問到老婆可有來監場時，Bob即笑言：「我唔畀佢哋，啲女都想嚟，但係我驚佢哋睇完會有心理障礙。」至於問到兩人可有恭喜新婚的楊怡及羅仲謙，詩詠得悉兩人結婚後有傳短訊給楊怡。當記者問到詩詠何時跟男友洪永城拉埋天窗，她就笑言待其他花旦結婚後，自己就要繼續努力上位：「未有計劃。（秘婚？）依個年代好難秘婚。」
文：音樂組