劉欣宜明出嫁 準備做惡媽
擁有逼爆身材的「E Cup Baby」劉欣宜（Miyoko）與男友陳子敏（Roy）將在明日舉行婚禮，更邀請了多位圈中好友出席！Miyoko回想求婚過程即甜笑，而身旁的Roy就面紅低頭，sweet到爆。問到婚後的造人計劃時，二人直言想過至少一年二人世界，再開行turbo等待新生命來臨。
劉欣宜（Miyoko）將於明日與拍拖5年的音樂人男友陳子敏（Roy）拉埋天窗，Miyoko日前抽空做spa，務求以最佳狀態出嫁！二人受訪時表示婚禮細節已準備妥當，將有幾位圈中人包括張繼聰、謝安琪、李蘊及袁偉豪等出席，並感謝好友Karl的協助。
未急於造人
Miyoko又透露求婚的細節，令在旁的未婚夫Roy相當害羞，她說：「嗰日係我生日，佢話一啲預備都冇，咁啱有朋友畀咗兩張飛我哋去睇戲，入場之前佢同我講佢肚痛，之後睇到臨完場佢又走咗出去，之後個銀幕開始放映我哋嘅相，仲播咗佢唱歌嘅片出嚟，之後佢就出場講咗一大堆好感人嘅說話。」
Roy提到最初只當Miyoko是「工作夥伴」，後來被她的孝心所感動；而Miyoko就大讚Roy細心，經常送她一些好有心思的小禮物。
二人又對「造人」計劃及家務分配有共識，Miyoko指：「我只係負責煮，其他洗碗洗衫全部交畀佢！生B都想，不過會過一年二人世界先，希望生兩個，如果教細路我應該會係惡媽。」
文：專案組
攝：張福宏
場地：Barely Beauty
妝髮：Yanki Cheung@GABY make up