楊玉梅踎街舊作 亞視終極翻播
亞視免費電視牌照將於四月一日到期，亞視官網公布「最後一夜」節目。於《夜間新聞》後，將重播2013年的亞姐特備節目《Miss Asia 25th 瑰麗巡迴》羅霖與楊玉梅遊法國一集，之後便會「熄機」。
對於舊作成亞視「終極一播」，楊玉梅百般滋味在心頭：「呢個節目好多辛酸嘢，因為一半係贊助一半係亞視自費，準備唔太充足，去到當地冇翻譯，去好多地方拍嘢都冇事前申請，最慘一次係去一個地方拍嘢，司機唔肯去仲趕晒我哋落車，搞到我哋踎街邊，畀人恰好慘！」
而羅霖對舊作成最後一個節目慨嘆表示：「冇諗過呢個會係最後一個節目，唔知遺憾定惋惜。依家成日話幾多號唔做，大家都聽到心淡。我覺得最緊要啲員工有糧出，唔好再鬧劇落去。」