朱慧敏再為人母 慈善價撐學生
朱慧敏、張文慈（Pinky）、唐貝詩及國藝娛樂老闆冼國林等，昨於九龍灣出席由仁濟主辦的電影《回到起步時》首映禮。主演的朱慧敏表示今次已是第二次演人母，她讚學生製作有誠意，等待她四個月才拍攝：「佢哋寧願拍晒其他人嘅戲先，到最後一個星期，咁啱我拍完《愛‧回家》就可以演出。（義拍？）有收錢，不過係慈善價，其實錢唔係咁重要，因為係好有意義，其實呢部戲係一班同學仔同老師嘅心血結晶。」
向張國榮學習
朱慧敏又希望，能以同校師兄張國榮及師姐陳慧琳經常出席母校活動為榜樣，藉個人力量鼓勵後輩。
在片中同樣飾演人母的Pinky稱，在拍攝過程中向年輕人學習，又說接拍原因有一半來自拍檔廖啟智：「佢好專業，每個人都畀佢感動到，我未試過第一take就不停喊，好似進入咗另一個層次咁。」
