劉佩玥學鄭裕玲鬧人
藝人劉佩玥、張致恒、趙希洛等前晚在將軍澳電視城為節目《Sunday好戲王》擔任嘉賓，劉佩玥表示會在節目中扮鄭裕玲，她說：「好緊張，今晚要扮嘟姐，扮嘟姐係情意結，自己同嘟姐係同一日生日，覺得佢好靚，同埋有好多招牌手勢，會盡力扮佢。」為扮鄭裕玲，她更花了一星期時間煲片學習，她說：「嘟姐好難扮，要學佢嗰啲嚴肅、鬧人嘅語氣，都練習咗成個星期。」
張致恒則在節目中表演絕技以「唐老鴨」聲報新聞，他說：「自己好鍾意扮嘢，所以好恨上呢個節目，今晚會用唐老鴨聲報新聞，呢個係自己由細到大嘅絕技。（係咪成日用唐老鴨聲氹女友？）唔一定係女友，朋友都好鍾意我扮唐老鴨，呢把聲喺我生命中離唔開。（為節目準備咗幾耐？）自己覺得準備唔夠，剛才綵排已經要全身濕晒，一陣仲要慢動作抱起趙希洛，估唔到佢咁重。（驚唔驚失手？）唔會，我都好大隻，不過趙希洛真係要減肥囉。」
