盛品儒聞墮胎震驚：佢殺人佢嘅事

蔡一鳳（Michelle）早前撰千字文解釋老公盛品儒（James）與Tasha事件來龍去脈，昨日兩人在Michelle珠寶店受訪，大晒恩愛，又攬又錫。問到是否雨過天青？James笑言又跪玻璃又被咬手，遍體麟傷，以後二人將連體嬰出街，網上戶口密碼亦會給太太。問到Tasha有沒有再煩他們？Michelle說：「冇，佢應該知道錯，要收手，我哋當佢係未成熟小朋友玩大咗，唔會同佢計較。」James謂經一事長一智，未嘗是壞事，Michelle直言有為事件喊過，但亦自我檢討減少工作。

影響祖先逐出家門

問到Tasha自稱曾懷孕而墮胎？James說：「呢個消息好震驚，佢殺人佢嘅事，講絕啲都要講。（可能係殺咗你嘅BB？）我覺得呢個可能性唔大。」問到二人是否有發生性行為？James避談，但強調說：「冇可能發生。」Michelle說：「雖然唔知佢兩個之間有咩事，但唔想逼老公講大話，選擇原諒佢就唔會去問咁多，如果真係有咗，佢應該搵我，佢有晒我嘅聯絡，一早應該出嚟嘈，用吓腦諗根本就冇可能。」James說：「你生咗出嚟就話可以威脅到，死咗人點威脅，依家嘅女仔真係癲癲哋，但佢仲有咩講，都癲到講自己殺咗個BB。」Michelle又說：「如果佢真係有做咁嘅事，件事搞到咁大，我都會驚，我都唔想外人知道，但如果冇做過，就唔使驚。我都希望佢出嚟澄清，減低對我哋嘅傷害。」

盛品儒讚蔡一鳳處事果斷，畀老婆100分。

Tasha表示事件對她造成極大打擊。

事件火速完結，James大讚老婆處事果斷，畀足100分，而問到家人對此事是否感不悅，他說：「有，梗係唔開心，佢哋嬲咗我，冇乜同我講嘢，爹哋話就快逐我出家門，話你祖先咁叻，你搞埋啲咁嘅新聞出嚟。」Michelle說：「個女仔選擇同傳媒爆料，而唔搵我講，佢嘅目的我好清楚，我分析過佢想紅、想見報、想出位、想我哋離婚。」

事件已告一段落

而Tasha接受電話訪問，否認蔡一鳳指曾有另一位名人都遇到同一樣的事情：「我從來冇去誣蔑過佢所講嘅名人朋友，如果有，叫佢講埋出嚟！佢話我想上位想紅，我從來都冇諗過入娛樂圈，我只係喺討論區宣洩，呢啲事好馨香咩？我有咩得益？我一蚊都冇攞過。」而盛品儒以「震驚」及「可能性不大」來回應Tasha聲稱為他墮胎一事，Tasha說：「根本明眼人就知咩事！成件事已經對我好大打擊，已經告一段落，大家河水不犯井水！」

文：名人組