李丞責B女阡辰遺傳美麗基因
玄學家李丞責和前港姐劉倩婷於2013年結婚，二人終於造人成功，倩婷於日前剖腹誕下七磅重的女兒，取名為阡辰，意指在樂土上找到快樂。BB女有港姐靚媽的遺傳基因，臉尖鼻高，手長腳長，嘴似倩婷，大眼睛則似爸爸。
新手父母李丞責和劉倩婷前晚齊齊接受訪問，二人均對BB的降臨感到無比興奮，媽媽負責餵奶，爸爸負責換尿布，就算為湊BB冇覺好瞓，二人均樂在其中毫無怨言。懷孕期間肥了四十磅的倩婷現已瘦了二十磅，不過為了餵人奶而未打算節食減肥。
未考慮追B
至於李丞責享受育嬰樂之餘亦同樣付出消瘦的代價，他說未諗追B：「最開心BB食得，瞓得又屙得，雖然每隔兩個鐘餵一次人奶，但有陪月同工人幫手，都冇問題，係瞓覺唔夠會好攰！（擇吉時開刀？）原本係擇咗，點知去到醫院，BB就喺我擇好嘅時間作動，所以過程好順利，時間配合晒！（會再追？）湊大一個已經好大心血，暫未諗住！」
文：影視組