玄學星相：吳婉芳注定嫁有錢人
貴為1986年香港小姐亞軍兼最上鏡小姐的吳婉芳出名靚爆鏡，事隔30年，估唔到現年已經48歲的她和當年完全無變，一樣明艷照人！唔止個樣夠靚，和馬主胡家驊又婚姻美滿，恨死不少女士。最新一集《東網巨星》娛樂節目《玄學星相》邀得堪輿學家陳子才以玄學角度和大家分析吳婉芳條命有幾好。
吳婉芳當年以25歲之齡就嫁給馬主胡家驊，之後淡出娛樂圈，現時已是三個子女的媽媽，其面相是否典型幸福少奶奶相？陳子才說：「絕對係啦，其實我都講過好多次，好簡單，第一樣嘢，講到尾都係睇個鼻，鼻為夫星，我哋睇吓佢個鼻樑係咪好高好直呀？跟住鼻頭又有肉，中間又冇明顯嘅節，即係點？一定係嫁一個條件比佢自己好好多嘅老公啦。」
少煩惱保童顏
現年48歲的吳婉芳被讚不老童顏，陳子才說：「我哋睇番佢個命格第一點係咩，原來佢個命格有個獨特之處，叫做『富格』，注定係有錢人，唔憂柴唔憂米又唔使做，條件又OK豐足，煩惱又少，真係諗嘢煩惱都少啲，自然皺紋都少啲啦！」想繼續聽師傅點講？就要Click入《東網巨星》的「視娛樂」，睇《玄學星相》就更啱Feel！
文：專案組
【http://goo.gl/DRvrYj】