方力申情變阿嬌不回應
Twins前晚出席頒獎禮，阿Sa（蔡卓妍）表示除Twins攞獎外，還幫契女梁浸浸（鄭希怡女兒）攞「人氣星二代」獎，兩人都大讚契女好得意，阿嬌（鍾欣潼）笑言：「見到佢都想生個！」
對於曾與阿嬌傳緋聞的方力申（小方）和女友鄧麗欣（Stephy）分手，問及阿嬌時她說：「呢個係人哋嘅事，我冇回應。」再問到十年戀情是否可惜？她都說不回應！另方面，方力申父親方毓仁昨午出席藝術展覽，問及兒子宣布「分訊」，方父說：「 我個仔都三十幾歲啦，仲傾呢啲？我唔過問。（你好錫Stephy？）個個都錫，個個都好。（十年感情咁分手肉唔肉痛？）你問番佢啦。（小方講到喊。）我唔知呀。（有冇心痛？）當我面佢從來冇喊過。」
