宣萱、蔡國威前晚出席電影《我要做鷹雄》首映禮，宣萱表示將展開滑雪之旅：「我滑雪唔叻，每次滑完都要睇跌打，試過搞到踎唔得低，有朋友個妹仲搞到斷晒腳筋，話全部斷晒係唔痛o架！斷少少就好痛。」而蔡國威（威仔）日前獲邀為無綫節目《男人食堂》做嘉賓，因節目監製以前曾任職亞視，所以今次似敍舊多過搲撈。問曾做過亞視的余詠珊有否向他招手？威仔說：「咪玩我啦！係希望可以長期合作，但唔希望驚動對方。」
