李玟恨與Rita合作
天后李玟（CoCo）昨日與英國人氣歌手Rita Ora現身中環一間她有份投資的餐廳，一同享用午宴。Rita約1時半現身，CoCo一見對方即興奮大叫：「Rita！」二人隨即擁抱。Rita全程笑容滿面，並企定定讓記者拍照，更主動除黑超。CoCo坦言首次與Rita見面，很期待與對方合作。
另外，CoCo表示現正忙於籌備《我是歌手4》決賽，問到賽事何時完結？她說：「4月15日完，會畀自己放大假，我四個月冇覺好瞓，睡眠不足。（老公有冇肉痛？）有，話成日見唔到老婆，佢明嘅，但心痛我咁辛苦。」問她是否打算4月中造人？她即屈指一算後笑說：「4月，再9個月後，即係1月。好呀！1月係我生日。（咁有信心一擊即中？）2月嘅BB都好。」
