阿佘攞免費飛密密搭港鐵

曾志偉和佘詩曼昨日為港鐵「開心搭.生日獎」抽獎活動任嘉賓，期間與港鐵公司主席馬時亨一同抽獎，齊齊宣布幸運號碼，兩人同時獲港鐵贈送全年免費乘車票。平日多穿休閒服的志偉，今次為尊重場合特別打呔上陣，甫出場即被表哥取笑，笑指首次見志偉打呔，事後志偉笑謂：「活動係佢邀請嘅，打呔正規啲，以為可以就佢，點知佢今日唔打呔，早知唔使一早起身燙西裝啦！」

拍網劇儲「酒量」

對於獲得港鐵全年免費車票，志偉笑指拍戲以外，平日甚少搭港鐵，他謂：「都成10年冇搭，不過張車票寫住我個名，唔畀得人用，所以都會多啲搭。」下月14日便踏入63歲，志偉笑指生日前會於上海為網劇開工，會儲定「酒量」，但就未計劃如何慶祝，也未知會否大搞。

解決封路煩惱

阿佘則透露平日出埠也會選乘機場快綫，貪其方便又預到時間，反而港鐵比較少搭。不過，她回憶之前曾因為世貿在港舉行會議，很多地方封路，過不到海，最後她選乘方便快捷的港鐵。提到獲贈全年免費乘車票，阿佘謂以後會多啲乘搭港鐵。另外，正忙於拍攝電影《使徒行者》電影版的她，透露待完成拍攝便於下月投入新劇《賭城群英會》，該劇於深圳開工，她說：「同馬國明對手戲多，四哥（謝賢）對手戲多唔多就未知，要到3月26號試造型可能清晰啲。（會唔會睇番四哥之前啲經典劇先？）唔使，今次係另一個新劇本，但對嗰套都有少少印象嘅。」

馬時亨（中）與「表弟」曾志偉和佘詩曼齊齊宣布幸運號碼。	打呔上陣的曾志偉獲贈全年免費車票，他笑言一定周圍去。	曾志偉、佘詩曼

此外，對於立法會財委會早前於一片混亂中通過高鐵196億港元追加撥款，但有議員要求推翻表決結果，馬時亨透露有關撥款已批出，工程亦如常進行，若將來要面對司法覆核或有任何改變，屆時再決定下一步行動，但暫時尚未動用該196億元追加撥款。

文：影視組