蔡國威入無綫搲撈

藝人蔡國威、劉錫賢及張文慈昨日到無綫電視城，為節目《男人食堂》做嘉賓，對於節目以「失業、窮到燶」為題，威仔說：「我唔覺被抽水，我真係面對緊，希望今次嚟TVB可以(R)到嘢做，講笑啫！其實見到呢度好有做嘢感覺，同我前公司差好遠，見番啲過咗嚟工作嘅舊同事都好開心！」

劉錫賢提到日前與亞視臨時清盤人開會，他說：「最新進展係勞資審裁處開始重新注視，陸續有亞視同事落口供，之後會再交畀勞工處決定起唔起訴亞視。（亞視未交540萬牌費，追債次序港府先於員工？）所以我哋向政府要求追討破欠基金。」蔡國威補充：「但破欠基金需要該公司向破產方向行，破欠先會墊支。」此外，樂意電視日前舉行招聘會，接獲300份求職申請，當中約五成為亞視員工。