陳栢熹遭父母催婚當耳邊風

有「皮革世家」之稱的意大利品牌Tod's在各地邀請時尚名人組成Tod's Band，而Tod's Band HK早前就找來8位時尚名人坐鎮，並拍攝了相片集和影片。品牌前晚於中環的專門店舉行了instore event以及該輯相片集的exhibition，其中5位有份參與的名人包括Moiselle創意總監陳栢熹（Harris）、周國勳女兒兼珠寶首飾製作企業總經理周穎詩（Chelsea）、富商曾文豪女兒Adelene、本地印度裔富商夏利里拉家族後人Nadia、以及香港賽馬會前主席黃頌顯外孫女李家敏（Caroline）均有到場支持。

跳足半粒鐘

Harris其中一張相是要在半空中跳躍起來，他說：「影嘅時候都跳咗半個鐘，攰O架，不過對鞋好舒服。（你貪唔貪靚？）我鍾意時裝，工作需要時會貪靚，唔使工作平日衣着就係T恤加條褲，舒服對我嚟講係最重要。」他又透露簽了韓國的partner，會在韓國發展時裝生意；至於可會考慮找個韓國女友，他說：「咩國籍都冇問題，但暫時未遇到好合適同埋令我好熱衷去發展嘅女仔。（心唔心急？）我唔急，係我爹哋媽咪急，日日都催，直情喺公司啲ball度上台拎住個咪問有冇女仔想同我結婚，我都會覺得尷尬，不過同時亦都慣咗。」

周穎詩對有份參與大表高興。	Nadia（左）的照片獲陳瑞瑩大讚。	李家敏開心同好友一齊拍攝。

好友齊參與

而Nadia就與模特兒好友陳瑞瑩一起到場，Nadia說：「我好鍾意呢輯相，成個團隊都好專業，我單人相嗰part影咗20分鐘就完成。成班人一齊影時，攝影師又會捕捉到我哋最真嘅一面，所以輯相好代表到我。」她透露現在專注發展事業，未有拍拖。Caroline亦對相片集感到非常滿意：「呢個project好creative，拍攝過程非常之順利，好好玩，我哋8個本身全部都係朋友嚟，好開心可以一齊參與，我最鍾意係大合照嗰張，同成班朋友一齊影特別有意義。」而本地著名形象指導郭慶彬則在現場為客人講解products。

文：名人組