張學友與林嘉欣早前現身TVB娛樂新聞台節目《StarTalk》，嘉欣今次為導演老公袁劍偉演出，她笑言為老公感緊張，拍檔學友則爆料指：「我可以證明佢真係好緊張，之前做咗好多訪問，佢老公唔在場，嘉欣答問題都好自如，但做呢個訪問時佢老公啱啱入咗嚟，佢動作突然多咗好多，緊張起上嚟！而我就完全唔緊張，因為我都冇當過佢係嘉欣老公，我理得佢。」
