麥明詩愛浪漫想男友送食物
港姐麥明詩（Louisa）、影壇新貴蘇麗珊及新鴻基地產代理租務部總經理鍾秀蓮，昨日出席世貿中心舉行的「春姿花漾。藝術遊園」揭幕禮，與大狀男友林作熱戀中的Louisa，透露近日已向對方反映要求浪漫一點，林作隨即上網訂購有關書籍，她笑指男友雖然有送花，但卻一隻手數得完，問到林作平日有否冇情趣？Louisa謂：「佢會搞Gag，但有時都想sweet啲。」
首拍劇擔心負評
Louisa坦言若男友於食物籃放滿她喜歡的食物，足以令她感動，惟對方至今也未有行動，問到二人是否尚未了解對方？她謂：「都了解，拍拖最重要係細水長流。（佢之前都喺網上同你出頭啦！）係幾sweet，但我叫佢以後唔好講咁多嘢，唔想影響其他人。」將於下月與謝賢拍攝新劇的她，寄望大家高抬貴手：「都訓練緊自己，呢排屢受負評都仲生存緊！」
蘇麗珊收花冧爆
而蘇麗珊則坦言男友游學修一點也不浪漫，但早前做了一件事令其冧爆：「大家都鍾意《小王子》故事，之前一齊睇完套電影，佢送咗一朵保鮮玫瑰花，仲喺張卡節錄咗電影入面嘅說話，大概係話我係佢唯一嘅玫瑰花，係好惡心，但我好冧！」談到方力申與鄧麗欣10年情分手收場，蘇麗珊直言感震驚：「由細睇到呢對情侶大，好可惜。（擔唔擔心？）我哋半年啫，到10年先算啦，不過暫時都OK！」
文：影視組