黃貫中狠飛朱茵 父女二人世界

將於下月再開騷的歌手黃貫中（Paul），近日接受《東網電視》節目《娛樂onShow》主持俞詠文（Angela）訪問，暢談相隔四年後開騷感受及「湊女經」。Paul向來予人感覺剛強火爆，但一提起3歲囡囡黃鶯，隨即表現鐵漢柔情一面！Paul最近推出新歌《大英雄》，笑言不是老婆朱茵及女兒心目中的大英雄：「其實我都係『阿四』嚟，可能去到買（囡囡）玩具嘅地方，或者買雪糕嘅地方，就會變做英雄囉！」

面對老婆與可愛女兒，Paul自言在家中是弱者，不能強硬起來，為了女兒更願意付出一切，就連心愛的模型「身首異處」亦冇所謂。畫功了得的他又稱一有時間便與女兒鬥畫畫，享受親子時光：「我哋嘅親子時間，就係趕絕媽媽嘅時間！佢最開心係爸爸拎起畫紙同畫筆，兩個人一齊畫，咩都畫。」Paul指從她的畫作中得到不少創作靈感。

黃貫中與主持Angela分享湊女軼事，流露鐵漢柔情一面。	黃貫中指女兒最愛一起親子畫畫。	朱茵

做呷醋外父守護黃鶯

父愛滿溢的Paul被問到有否幻想女兒長大後有追求者，即時「非常外父」上身：「可能囡囡到時大個拖住男仔嘅手，（自己）會好驚訝，同埋叫囡囡過嚟！」Angela忽發奇想，問到若黃鶯與前組合Beyond成員黃家強的兩個兒子之一談戀愛，大有機會與曾傳不和的家強「對襯家」，Paul的反應會是甚麼？想知道更多，記得留意《娛樂onShow》啦！

化妝：Emma Lee

髮型：Matthew Kong@Headquarter

服裝：KOYO

文：專案組