曾若華諸事八卦
歌手曾若華（Jude）早前出席活動，Jude表示已經錄好第三首歌，期待今年可以推出屬於自己的EP，她又笑言自己比較貪心：「我最想喺EP入面會有英文歌，因為我自己作歌都會作英文詞，我中文比較差，所以未有機會用中文填詞，但香港又好少以英文歌做主打。」
Jude又表示即使沒機會填詞，亦會在詞中加入自己的意見，希望自己唱的歌會有份參與：「好似之前啲派台碟入面嘅相好多都係我自己影，如果出碟都好想可以自己影番，好貪心，乜都要關我事。」她又表示之前都有幫過師兄周柏豪和師姐連詩雅拍MV，有信心可以為自己的MV操刀。