SiS樂印姊妹煩爆搵男人

組合SiS樂印姊妹推出全新作品《新世界》，作為動漫迷的兩姊妹自爆靈感源自農夫的《偉大航道》和漫畫《海賊王》，而為了令歌曲更圓滿，兩人更請了農夫的C君為MV飾演「毒宅男主角」：「本身想搵佢幫手Rap，但佢嗰時同嘟姐（鄭裕玲）去咗Shopping，所以就轉移目標想搵佢拍MV，但佢一開始不斷叫我哋搵吳業坤拍，如果搵坤坤個劇本就要成個改過，結果C君都畀我哋煩到應承咗，早知搵坤坤啦，佢依家身價暴升！」
駱胤樺坦言羨慕妹妹駱胤鳴（左）有拖拍。
駱胤樺坦言羨慕妹妹駱胤鳴（左）有拖拍。

講到妹妹駱胤鳴早前自爆蜜運中，姐姐駱胤樺直認會羨慕妹妹，更自爆：「我有睇運程書，愛情運今年係OK，話會遇到外形同內涵都好好嘅男仔，本來我係追求內涵，但麥玲玲師傅話我嗰個有外形o架，所以我會等到o架！」

SiS樂印姊妹原來是動漫迷。
  • SiS樂印姊妹原來是動漫迷。