盧冠廷開騷晒朱古力皮

盧冠廷將於六月十及十一日於紅館舉行兩場《盧冠廷BEYOND IMAGINATION CONCERT LIVE 2016》，近日四出為演唱會宣傳的盧冠廷為保護聲帶，隨身帶備私伙保暖水樽，邊受訪邊飲補聲茶，盧冠廷說：「真係有損聲帶，騷前係唔講嘢，外國好勁嘅歌星唱歌之前係完全唔出聲，所以我要飲好多大海欖補聲。」

戒肉齋食魚

近年不少男歌手開騷都會操肌騷Quali，盧冠廷笑笑口說：「我有o架，仲有六舊朱古力嘅影，睇真啲好似真，不過只係得皮。」他並封腹中的是「朱古力皮」，飲食非常清淡的盧冠廷坦言已戒肉，暫時只會食魚肉，他解釋說：「因為我需要魚嘅蛋白質，都好少出去食飯，好怕味精。」

盧冠廷向《東網》透露保靚聲三大秘訣。

盧冠廷於2008年在紅館開騷，當時邀得農夫擔任嘉賓。

練氣唔使跑

已有八年未有上紅館舞台的盧冠廷，坦言不擔心體力問題，他笑說：「體力唔使點操，都係冇o架喇！」隨即正經說：「都會練吓氣，不過唔係跑步，係喺屋企不停上落樓梯，同埋做深呼吸，其實坐喺度都可以練氣。」他並即場向記者示範深呼吸秘訣，盧冠廷說：「呢個係瑜伽深呼吸法，吸氣六秒，Hold住廿四秒，呼氣十二秒，講好易，做好難，好多人做完即頭暈。」

場地：香港沙田萬怡酒店

文：音樂組