葉俊亨過江龍 挑戰廣東話
馬來西亞歌手葉俊亨（Hank）早前首次於香港拍攝電影，由於全程以廣東話與其他演員交流，身為「過江龍」的他雖講得一口流利廣東話，但坦言難以掌握語速：「今次第一次喺香港拍戲，雖然平時喺馬來西亞都拍開，但今次全程都要講廣東話，最難係講得順又要快，都練咗好耐！」
其演出的電影旨在帶出網絡欺凌的影響力及傷害性，問Hank有沒有試過身受其害？他直言：「我一向覺得自己唔屬於網絡世界，呢啲通訊科技反而令人同人之間嘅關係疏遠，而且依家好多時喺網上瘋傳或者出位嘅嘢都偏向負面，之後再你一句佢一句，當事人心情點都有啲影響，成個氣氛都唔好！」